Die voorsienigheid steur hom nie aan jou werksverpligtinge nie.
Dit het ek sowat ‘n jaar gelede ervaar toe ek weens ernstige onvoorsiene omstandighede nie my volle aandag aan hierdie webtuiste kon gee nie.
Dinge sien nou, deur die Genade, anders daar uit.
Ek het boonop die hulp van ‘n goeie vriend, ‘n oud-joernalis, bekom. TOBIE DU PREEZ het reeds sy aandag van nuus en algemene sake na sport verskuif om hierdie webtuiste hopelik mettertyd sy regmatige plek onder die voorstes in Suid-Afrika te laat inneem.
Hierdie is ʼn Afrikaanse webtuiste – maar lesers sal hopelik begrip hê daarvoor dat ons die magdom Engelse persverklarings, net so sonder vertaling, plaas behalwe waar daar interessanthede is waaroor verder uitgewei kan/moet word.
Dit sal feitlik alle nuus vanaf SA Rugby insluit – insluitende spanne, beseringsnuus, finansiële verwikkelings waar daar binnekort moontlik groot nuus mag wees.
Oorsese koerantberigte sal moontlik ook hier en daar in Engels aangepas word. In die meeste van bostaande gevalle sal RUGBYVARIA egter ook ʼn eiertjie te lê hê.
